काठमाडौं । गत महिनामात्र एन्फाले साफ यू-१५ च्याम्पियनसिपको खेलाडी छनोट गर्न भन्दै जिल्ला फुटबल संघलाई पत्राचार गर्यो । देशभरका विभिन्न जिल्लाले यू-१५ उमेर समूहमा सम्भावना भएका खेलाडीलाई केन्द्रमा पठाए ।
दशै अगाडी एन्फाले खेलाडी छनोटको प्रक्रिया पुरा गर्यो । जसमा ७ नयाँ अनुहार आए । धरासायी बनेको नेपालको घरेलु फुटबलमा खेलाडी उत्पादन गर्न एन्फाको आफ्नै एकेडेमी छ । तर एन्फा पदाधिकारीको दाबी पत्याउने हो भने, छनोटमा केही यस्ता खेलाडी देखिए, जसले एकेडेमीका खेलाडी भन्दा उम्दा खेल्न सक्छन् ।
उनै नयाँ ७ खेलाडीलाई समावेश गरेर एन्फाले साफ यू-१५ च्याम्पियनसिप खेल्ने नेपाली टिम बनाएको छ । घरेलु भुमिमा हुने चौथो संस्करणको प्रतियोगितामा सोही टिमले उपाधिमा नेपालको दाबेदारिता प्रस्तुत गर्नेछ ।
कार्तिक ८ बाट सुरु हुने प्रतियोगिता १७ गतेसम्म चल्नेछ । सात टोली सहभागि प्रतियोगिताका सबै खेल ललितपुरको सातदोबाटोस्थित एन्फा कम्प्लेक्समा हुनेछ ।
नेपाली युवा टोलीे घरमै आयोजना हुन गईरहेको साफ प्रतियोगिताको उपाधि रक्षा गर्न दाउमा छ । एन्फा एकेडेमी र खुल्ला छनोटबाट आएका खेलाडी अहिले त्यसैको तयारीमा जुटेका छन् ।
फेरी एउटा तथ्यलाई दोहोर्याउ ।
प्रतियोगिताको यो चौथो संस्करण हो । तर नेपाली टिम अहिलेसम्म विजेता बन्न सकेको छैन । सन् २०१३ बाट आयोजना हुँदै आएको प्रतियोगितामा नेपाली टिम उपविजेतामै अड्किएर बसेको छ । सन् २०१७ मा नेपालमै भएको प्रतियोगितामा नेपाल उपविजेतामा सिमित बनेको थियो । नेपालको तगारो सदा झै भारतनै बन्ने गरेको छ ।
यसपटकको संस्करणमा समेत नेपालको लक्ष्य छ, उपाधि । तर नेपालका लागि यो सहज भने हुने छैन । नेपाली टिमका प्रशिक्षक सनोज श्रेष्ठ नेपालको मुख्य लक्ष्य भनेको साफ च्याम्पियनसिपको उपाधि रहेको बताउँछन् ।
‘तयारी राम्रौ भईरहेको छ । एन्फा एकेडेमीका खेलाडी र खुल्ला छनोटबाट आएको खेलाडी राम्रो लयमा छन् । यस पटक हाम्रो टिम साफ च्याम्पियनको उपाधिका लागि खेल्छ ।’ प्रशिक्षक श्रेष्ठले भने।
यू–१५ साफ च्याम्पियनसिपमा नेपाल सहित बङ्गलादेश, माल्दिभ्स र पाकिस्तान समूह 'ए' मा रहेका छन् ।
समूह विजेता बत्रे दाउमा रहेको नेपाललाई बङ्गलादेश तगारो बत्रे देख्न सकिन्छ । बङ्गलादेश सन् २०१५ को साफ च्याम्पियनसिप टोली हो ।
‘हाम्रो लागि समूहका पाकिस्तान र माल्दिभ्स सहज छन् तर बङ्गलादेश उत्कृष्ट टिम हो ।’ प्रशिक्षक श्रेष्ठ भन्छन्, ‘अब हामी उत्कृष्ट टोलीसंग समूह चरणमै खेल्छौ । त्यसपछि नकआउट बारेमा सोच्नेछौ ।’
प्रतियोगिताको चारै संस्करण खेलेको नेपाल दुई पटक फाईनलमा हारेको थियो । तर नेपालले प्रतियोगितामा आक्रमक फुटबललाई निरन्तरता दिने प्रशिक्षक श्रेष्ठ बताउछन् ।
‘आक्रमक फुटबल खेलेर उपाधि उचाल्न चाहन्छौँ । समग्रमा सबै राम्रो छ । विशेष गरि आक्रमक फुटबलमा ध्यान दिनेछौँ ।’ उनी भन्छन्।
नेपालले पहिलो खेल कार्तिक ८ गते पाकिस्तानसँग खेल्दै छ । कार्तिक १० मा माल्दिभ्ससंग र अन्तिम खेल कार्तिक १२ गते बङ्गलादेशसंग ।
त्यस्तै भारत, भुटान र श्रीलंका रहेको अर्को समूह 'बी' समेत प्रतियोगितामा हुनेछ ।
भारत प्रतियोगिताको साविक विजेता हो । उसले सन् २०१३ र १७ मा दुई पटक उपाधि उचालि सकेको छ । त्यस्तै बङ्गलादेशले सन् २०१५ मा उपाधि उचालेको छ ।
नेपाली टिम :
गोलकिपर: रोशन नेपाल, रोहन मगर, विनय श्रेष्ठ
डिफेन्डर :जान लिम्बु, निवास फुयाल, प्रमेश गुरुङ, रोशन थापा, श्रीजन दानी, रोजित परियार, शुशिल अधिकारी, ह्हदेश ठकुरी
मिडफिल्डरः प्रदीप लम्साल, मनाग्य नकर्मी, दिपेश गुरुङ, प्रविन मगर, राकेश विक, शशांक बोहरा, निराजन मल्ल, धीरज बलायर
स्ट्राइकरः नमास थापा, सोनम गुरुङ, रोहित शुब्बा, दिपेश राई
मुख्य प्रशिक्षक : सनोज श्रेष्ठ
