काठमाडौं । नेपाली यू-१९ फुटबल टिमका पूर्व कप्तान सुलभ मास्केको गोल अष्ट्रेलियामा बर्षको उत्कृष्ट गोल अवार्डका लागि मनोनयनमा परेको छ ।
अष्ट्रेलिया फुटबल फेडेरेसनले मनोनित गरेको सन् २०१८ को उत्कृष्ट १० गोलमा सुलभको गोल समेत परेको हो ।
अष्ट्रेलियाको नर्थर्न टेरिटोरी स्टेट लिग क्लब हेलेनिक एट्लेटिक क्लबबाट खेल्ने सुलभले वेष्टर्न सिड्नी वान्डर्सविरुद्ध गरेको गोल वर्ष गोल अवार्डका लागि मनोनित भएको हो ।
मनोनयनमा परेका १० गोलमध्ये समर्थकहरुको भोटको आधारमा विजेता घोषित गरिनेछ ।
बर्ष गोल अवार्डका लागि २४ अक्टोबरसम्म भोट गर्न सकिनेछ । सर्वाधिक मत पाउने गोलले बर्ष गोल अवार्डको उपाधि जित्नेछ ।
यस लिंक मा गएर सुलभको गोल हेर्न र सुलभलाई भोट गर्न सकिन्छ ।
