एजेन्सी । इटालियन सिरी ए फुटबलको मिलान डर्बी भिडन्तमा इन्टर मिलानले साँघुरो जित निकालेको छ । आइतबार राति भएको खेलमा इन्टरले एसी मिलानलाई १ - ० ले हराएको हो ।
घरेलु मैदानमा इन्टरलाई जित दिलाउन माउरो इकार्डीले निर्णयक गोल गरे । इकार्डीले खेलको इन्जुरी समयमा गोल गर्दै इन्टरलाई महत्वपूर्ण ३ अंक दिलाए ।
खेलको निर्धारित ९० मिनेट गोलरहित बराबरीमा सकिएको खेलको इन्जुरी समयको दोस्रो मिनेटमा इकार्डीले गोल गरेका थिए । त्यसअघि दुवै टोलीले पाएको मौकाहरु खेर फाल्दा गोल निस्कन सकेको थिएन् ।
यो जितसंगै इन्टरले ९ खेलबाट १९ अंक जोडेर लिगको तेस्रो स्थानमा ओगटेको छ । पराजित एसी मिलान ८ खेलबाट १२ अंक जोडेर १२ औं स्थानमा छ ।
लिगको शीर्ष स्थानमा युभेन्ट्स र दोस्रो स्थानमा नेपोली रहेको छ ।
