रियललाई फाइदा, मेस्सीले एल क्लासिको भिडन्त गुमाउने

गृहपृष्ठ
फुटबल

आइतबार, कात्तिक ४, २०७५ खेलपाटी संवाददाता

एजेन्सी । बार्सिलोनाका कप्तान लियोनल मेस्सी तीनसाता मैदान बाहिर रहने भएका छन् । मेस्सी शनिबार राति सेभियाविरुद्धको खेलमा घाइते भएका थिए ।

नाउ क्याम्पमा खेलको २६ औं मिनेटमा कप्तान मेस्सी घाइते भएका थिए । सेभियाका फ्रान्को भाज्क्वेजसंग जुध्न पुग्दा मेस्सीले दाहिने हातमा चोट बोकेका थिए । उक्त खेल बार्सिलोनाले ४ - २ ले जितेको थियो । मैदान बाहिर निस्कनुअघि मेस्सीले एक गोल समेत गरेका थिए ।

अन्तर्राष्ट्रिय समचार संस्थाहरुको अनुसार मेस्सीको हातको हड्डी भाचिएको छ । र, मेस्सीको हातको चोट निको हुन कम्तिमा ३ साता लाग्नेछ ।

मेस्सी तीन साता बाहिर रहने पुष्टि बार्सिलोनाले समेत गरेको छ ।

हातको चोट ठिक हुन तीन साता बढीको समय लाग्ने भएपछि मेस्सीले एल क्लासिको भिडन्त गुमाउने भएका छन् ।

सिजनको पहिलो एक क्लासिको भिडन्त आगामी २८ अक्टोबरमा हुनेछ । उक्त खेल बार्सिलोनामा हुनेछ ।

पहिलो एल क्लासिको भिडन्तमा मेस्सी नहुने भएपछि रियल मड्रिडलाई भने फाइदा पुगेको छ । यस्तै ११ बर्षपछि पहिलोपटक मेस्सी र क्रिस्टियानो रोनाल्डोबिना एल क्लासिको भिडन्त हुने भएको छ । रोनाल्डो यसै सिजन स्पेन छाडेर युभेन्ट्स गएका छन् ।

यस्तै मेस्सीले च्याम्पियन्स लिग अन्तर्गत इन्टर मिलानसंगको दुई खेल समेत गुमाउने छन् ।

मेस्सीले तीन साताको दौरान ला लिगा, च्याम्पियन्स लिग र कोपा डेल रे गरी ६ खेल गुमाउने छन् ।