एजेन्सी । इन्ग्लिश प्रिमियर लिग फुटबलमा लिभरपुलले साँघुरो जित निकालेको छ । शनिबार राति भएको खेलमा लिभरपुलले हडर्सफिल्ड टाउनलाई १ - ० ले हराएको हो ।
हडर्सफिल्डको मैदानमा मोहमद सलाहले लिभरपुलका लागि विजयी गोल गरेका थिए । खेलको २४ औं मिनेटमा सलाहले गरेको गोल नै लिभरपुलको जितमा निर्णायक बनेको थियो ।
बल पोजिसनमा पकड पकड जमाएपनि लिभरपुलले घरेलु टोलीलाई थप गोल गर्न सकेनन् ।
यो जितसंगै लिभरपुलले लिगमा शीर्ष स्थानको म्यानचेस्टर सिटीसंगको अंक बराबरी गरेको छ । लिगको दोस्रो स्थानमा रहेको लिभरपुलले ९ खेलबाट २३ अंक जोडेको छ ।
शीर्ष स्थानको सिटीको पनि २३ अंक नै छ । तर, गोलअन्तरमा सिटीले लिभरपुललाई पछि पारेको छ ।
प्रिमियर लिग अन्तर्गत अन्य खेलमा कार्डिफले फुलहमलाई ४ - २ ले पराजित गर्दा वाट्फोर्डले वुल्भ्सलाई २ - ० ले हराएको छ । यस्तै ब्राइटनले न्युकासललाई १ - ० ले हराउदा बर्नेमाउथ र साउथह्याम्पटनले गोलरहित बराबरी खेल्दै अंक बाडेका छन् ।
