एजेन्सी । वायन रुनीले निर्णायक गोल गरेपछि अमेरिकी मेजर लिग सकर (एमएलएस) मा डीसी युनाइटेडले जित निकालेको छ ।
रुनीको प्रेरणादायी प्रदर्शनमा बिहिबार डीसीले टोरन्टो एफसीलाई १ - ० ले हराएको हो ।
घरेलु मैदानमा भएको खेलमा डीसीका लागि रुनीले निर्णयक गोल गरे । पहिलो हाफको १८ औं मिनेटमा फ्रिकिकबाट गोल गर्दै रुनीले डीसीलाई जित दिलाए । रुनीले लामो दुरीको फ्रिकिकमा टोरन्टोको गोलकिपरलाई जिल्याउदै गोल गरेका थिए ।
जितसंगै रुनीको टिम डीसी ३२ खेलबाट ४७ अंकसहित ११ औं स्थानमा छ । ३३ अंक जोडेको टोरन्टो १९ औं स्थानमा छ ।
इंग्ल्यान्ड र म्यानचेस्टर युनाइटेडका पुर्व कप्तान समेत रहेका रुनी एभर्टनबाट गत असारमा डीसी युनाइटेडमा अनुबन्धित भएका थिए ।
भिडियो हेर्नुस :
