एजेन्सी । स्विडेनका भेट्रान फुटबलर तथा अमेरिकी क्लब एलए ग्यालेक्सीका फरवार्ड ज्लाटन इब्राहिमोभिचले थाइल्याण्डको गुफामा फसेर उद्दार गरिएका बालक फुटबल खेलाडीहरुलाई भेटेका छन् ।
ज्लाटनले सोमबार अमेरिकामा वाइल्ड बोअर्स फुटबल टिमका १२ बालक खेलाडी र प्रशिक्षकलाई भेटेका हुन । उनीहरु गत साउनमा उत्तरी थाइल्याण्डको टाम लुवाङ गुफाभित्र फसेका थिए । तर, उनीहरुलाई १७ दिनपछि उद्दार गरिएको थियो ।
उद्दार गरिएका खेलाडीसंग भेट गर्दै ज्लाटनले उनीहरु साहसिक खेलाडी रहेको बताए ।
'म सोच्ने गर्थे कि म साहसी हो । तर, यी बच्चाहरू र यस टिम म भन्दा बढी साहसी रहेछ छ । यस टिम संसारकै उत्कृष्ट टिम हो', ज्लाटनले भने ।
गुफामा फसेर उद्दार गरिएका वाइल्ड बोअर्सका टिम अर्जेन्टिनामा भएको युथ ओलम्पिकमा सहभागिता जनाएर हाल अमेरिका भ्रमणमा रहेका छन् ।
