एजेन्सी । इन्ग्लिश प्रिमियर लिग फुटबल विश्वकै सर्वाधिक लोकप्रिय लिग हो । अधिकांस फुटबलरले इन्ग्लिश प्रिमियर लिग खेल्ने सपना बोकेको हुन्छ ।
प्रिमियर लिगको नयाँ सिजन सुरु भईसकेको छ । र, केहि साताको लागि प्रिमियर लिगको खेलहरु रोकिएको छ । अर्को साताबाट पुन: प्रिमियर लिगका खेलहरु संचालन हुँदैछ ।
हालै स्पोर्ट्स मेल डटकमले प्रिमियर लिगको ड्रिम टिम (टिम -११) तयार गरेको छ । स्पोर्ट्स मेलले तयार गरेको ड्रिम टिममा साविकको विजेता म्यानचेस्टर सिटी र चेल्सीका खेलाडीको बाहुल्यता रहेको छ ।
सिटीबाट ४ खेलाडी ड्रिम टिममा पर्दा चेल्सीका ३ खेलाडी अटाएका छन् । त्यस्तै लिभरपुलको २ खेलाडी टिममा पर्दा म्यानचेस्टर युनाइटेड र टोटेनहमका एक एक खेलाडी परेका छन् ।
ड्रिम टिमको गोलकिपर युनाइटेडका डेभिड डी गियाले सम्हाल्दा लिभरपुलका मोहमद सलाह, टोटेनहमका ह्यारी केन र चेल्सीका इडेन हाजार्डले अग्र पंक्ति सम्हाल्नेछन् ।
टिमको डिफेन्सलाईन चेल्सीका सिजर एज्पिलिक्वेटा, सिटीका जोन स्टोन्स, सिटीकै केली वाल्कर र लिभरपुलका भिर्गिल भान डिज्कले सम्हाल्ने छन् ।
टोलीको प्ले मेकर भूमिका सिटीका केभिन डी ब्रुएन, चेल्सीका निगोलो कान्टे र सिटीकै डेभिड सिल्भाले निभाउने छन् ।
हेर्नुस ड्रिम टिम :
गोलकिपर : डेभिड डी गिया
डिफेन्स : सिजर एज्पिलिक्वेटा, जोन स्टोन्स, केली वाल्कर, भिर्गिल भान डिज्क
मिडफिल्डर :केभिन डी ब्रुएन, निगोलो कान्टे, डेभिड सिल्भा
फरवार्ड :मोहमद सलाह, ह्यारी केन, इडेन हाजार्ड
