एजेन्सी । इन्ग्लिश क्लब म्यानचेस्टर युनाइटेडका डिफेन्डर लुक शले क्लबसंग नयाँ सम्झौता गर्ने भएका छन् ।
अन्तर्राष्ट्रिय समचार संस्था बीबीसीले डिफेन्डर श र युनाइटेड सम्झौता नवीकरण गर्न सहमति नजिक पुगेको जनाएको छ ।
इन्ग्लिश डिफेन्डर शको युनाइटेडसंगको सम्झौता यसै समरमा सकिदै छ । तर, शले युनाइटेडसंग लामो समयसम्म क्लबमै रहने गरी सम्झौता गर्न लागेको बीबीसीले जनाएको छ ।
यस्तै डेलीमेल अनलाइनका अनुसार श सर्वाधिक महंगा डिफेन्डरको रुपमा युनाइटेडसंग सम्झौता गर्न लागेको जनाएको छ ।
२३ बर्षे डिफेन्डर श सन् २०१४ मा साउथह्याम्पटनबाट युनाइटेड आएका थिए ।
