एजेन्सी । युईएफए नेसन्स लिग फुटबलमा नेदरल्याण्डले जर्मनीलाई पराजित गरेको छ । आईतबार राति समुह ए वानको खेलमा डच टोलीले जर्मनीलाई ३–० गोल अन्तरले हराएको हो ।
लिभरपुलका जोडी भर्जिल भान डिजिक र जर्जिनियो विजनाल्डमले गोल गर्दै जर्मनीलाई तालिकाको अन्तिममा पुगाए । भान डिजिकले ३० औ मिनेटमा दिलाएका अग्रतालाई ८६ औ मिनेटमा डिपेले गोल गर्दै दोब्बर पारे । दोस्रो हाफको इन्जुरी समयमा विजनाल्डमले गोल गर्दै डच टोलीलाई ३–० को जित दिलाए ।
सन् २०१४ को विश्वकप विजेता रहेको जर्मनीले पछिल्ला १२ खेलमा मात्र तीन खेल जितेको छ । रुसी विश्वकपको समुह चरणबाटै बाहिर रहेको जर्मनीले नेसन्स लिगको दुई खेलमा मात्र एक अंक जोडेको छ ।
सन् २०१७ मा विश्वकपमा छनोट भएपछि जर्मनीले विश्वकपमा स्विडनेविरुद्ध जित निकालेको थियो । त्यसपछि मैत्रिपुर्ण खेलमा साउदीअरेबीया र पेरुलाई पराजित गरेको थियो ।
जर्मनीले अब मंगलबार राति विश्वकप फ्रान्ससंग प्रतिस्पर्धा गर्नेछ ।
-1735306900.JPG)
