एजेन्सी । अन्तर्राष्ट्रिय मैत्रीपूर्ण फुटबलमा अर्जेन्टिनाले इराकलाई पराजित गरेको छ । बिहिबार राति भएको खेलमा अर्जेन्टिनाले इराकलाई ४ - ० ले हराएको हो ।
साउदी अरेबियाको रियादमा इराकविरुद्ध दोस्रो रोजाईका खेलाडी मैदान उतारेपनि अर्जेन्टिनाले सहज जित निकाल्यो । अर्जेन्टिनालाई सहज जित दिलाउन लौटरो मार्टिनेज, रोबर्टो पेरियरा, जर्मन पिजाला र फ्रानो सर्भीले एक एक गोल गरे ।
पहिलो हाफको १८ औं मिनेटमा मार्टिनेजले गोल गर्दै अर्जेन्टिनालाई सुरुवाती अग्रता दिलाएका थिए । ५३ औं मिनेटमा पेरियराले गोल गर्दै अर्जेन्टिनालाई २ - ० को अग्रता दिलाए ।
खेलको २२ औं मिनेटमा पिजालाले गोल गर्दै अर्जेन्टिनाको अग्रता तेब्बर बनाए । त्यसपछि खेलको अन्तिम मिनेटमा सर्भीले गोल गर्दै अर्जेन्टिनालाई ४ - ० को सहज जित दिलाए ।
