काठमाडौं । सिन्धुपाल्चोक जिल्लाको बाह्रबिसेमा प्रथम सेतीदेवी फुटबल प्रतियोगिता आयोजना हुने भएको छ । सेतीदेवी युवा क्लबको आयोजनामा हुने प्रतियोगिता असोज ३१ गतेबाट सुरु हुनेछ ।
बाह्रबिसे नगरपालिकास्थित मान्द्रामा हुने प्रतियोगिता १२ टोलीले प्रतिस्पर्धा गर्नेछन् ।
विजेताले नगद १५ हजारसहित ट्रफी, मेडल र प्रमाणपत्र प्राप्त गर्ने आयोजकले जनाएको छ । उपविजेताले ८ हजार नगदसहित ट्रफी, मेडल र प्रमाणपत्र पाउनेछन् ।
यस्तै प्रतियोगिताको उत्कृष्ट खेलाडी र उत्कृष्ट गोलकिपरलाई पनि नगदबाट पुरस्कृत गरिने आयोजकले जनाएको छ ।
