काठमाडौं । ललित स्मृति यू - १८ फुटबल च्याम्पियनसिपमा हिमालयन शेर्पा क्लबले शानदार जित निकालेको छ । आज भएको खेलमा शेर्पाले रुस्लान थ्रीस्टार क्लबलाई ६ - २ गोलको फराकिलो अन्तरले हराएको हो ।
ललितपुरको सातदोबाटोस्थित एन्फा कम्प्लेक्समा हिमालयन शेर्पालाई जित दिलाउन संजय धिमालले ह्याट्रिकसहित पाँच गोल गरे । पहिलो हाफमा एक गोल गरेका धिमालले दोस्रो हाफमा ४ गोल थपेका थिए । यस्तै अनिल आले मगरले हिमालयन शेर्पाको लागि थप एक गोल गरे ।
थ्रीस्टारका लागि निराजन महर्जन र जेनिस प्रजापतिले समान एक एक गोल फर्काए ।
यो जितसंगै हिमालयन शेर्पाले महत्वपूर्ण ३ अंक जोडेको छ । पहिलो खेलमा हिमालयन शेर्पाले फ्रेन्ड्ससँग गोलरहित बराबरी खेलेको थियो ।
यस्तै थ्रीस्टारले पहिलो खेलमा मनाङलाई स्तब्ध पारेको थियो । दोस्रो खेलमा भने थ्रीस्टारले पश्चिमाञ्चलसंग गोल रहित बराबरी खेलेको थियो ।
