काठमाडौैं । ओसिस क्रिकेट एकेडमीले रौतहट प्रिमियर लिग क्रिकेटको उपाधि जितेको छ । मंगलबार भएको फाइनलमा नेपाल पुलिस क्लबलाई २ विकेटले हराएर ओसिस च्याम्पियन बनेको हो ।
रौतहट क्रिकेट मैदानमा पुलिसले दिएको ८९ रनको लक्ष्य ओसिसले १९ ओभर ३ बलमा ८ विकेट गुमाएर पुरा गर्यो । ओसिसका लागि हरि शंकर साहले २३ रन जोड्दा राजेश पुलामीले १७ रन बनाए । पुलिसका सुनिल धमलाले ३ तथा दिपेश श्रेष्ठले २ विकेट लिए ।
यसअघि टस जितेर पहिले ब्याटिङ गरेको पुलिसले १९ ओभरमा अलआउट हुँदै ८८ रन जोडेको थियो । पुलिसका लागि योगेन्द्र कार्कीले १९ रन जोड्दा सुनिल धमला र प्रेम तामाङले समान १५/१५ रन जोडे । ओसिसका हरि चौहान र रासिद खानले समान ३/३ विकेट लिए ।
उपाधिसंगै ओसिसले ३ लाख ५० हजार नगद प्राप्त गरेको छ । उपविजेता पुलिसले १ लाख ५० हजारमा चित्त बुझायो ।
प्रतियोगितामा प्लेयर अफ दि सिरिज पुलिस सुनिल धमला भए । बेस्ट ब्याट्सम्यान डिसिएकाभुवन कार्की र बलर मलपोखरीका कमल ओली घोषित भए ।
-1732933394.jpg)
-1732928900.webp)
