काठमाडौं । मलेसियामा जारी आईसीसी विश्व टी-ट्वान्टी एसिया छनोट समूह 'बी' अन्तर्गत भुटानविरुद्धको खेलमा नेपालका प्रदिप ऐरी 'प्लेयर अफ दि म्याच' चुनिएका छन् ।
युकेएम वाईएसडी ओभलमा भुटानविरुद्ध जित निकाल्दा प्रदिपले अर्धशतक बनाएका थिए । ओपनर प्रदिपले ६८ बलमा ६ चौका र २ चौकासहित अविजित ७५ रन जोडेका थिए ।
उनको अर्धशतकीय पारीसंगै नेपालले २० ओभरमा ४ विकेट गुमाएर १५० रन जोडेको थियो । जवाफमा भुटान १६ ओभर ४ बलमा अलआउट हुँदै ३३ रनमा समेटिएपछि नेपालले ११७ रनको जित निकाल्न सफल भयो ।
लामो समय नेपाली टोलीबाट बाहिर रहेका प्रदिप यसै प्रतियोगिताबाट नेपाली टोलीमा पुनरागमन गरेका हुन् । तर, अघिल्लो तीन खेलमा भने प्रदिप जम्न सकेका थिएनन् ।
-1732933394.jpg)
-1732928900.webp)
