एजेन्सी । इन्ग्लिश क्लब चेल्सीका स्टार इडेन हाजार्डले स्पेनिस क्लब रियल मड्रिड आफ्नो सपनाको क्लब रहेको बताएका छन् ।
चेल्सीका अट्याकीङ मिडफिल्डर हाजार्डले स्टान्डर्टयुके अनलाइनसंग कुरा गर्दै रियल मड्रिड आफ्नो बच्चा बेलादेखिकै सपना रहेको बताएका हुन् । हाजार्डले रियल जाने इच्छा समेत व्यक्त गरेका छन् ।
'रियल मड्रिड विश्वकै उत्कृष्ट क्लब हो । म आज झुटो बोल्न चाहन्न । जब म बच्चा थिए, रियल मेरो सपना थियो,' हाजार्डले भनेका छन्, 'म अझै यस क्लबबारे सपना देखिरहेको हुन्छु । म यसबारे प्रत्येक दिन कुरा गर्न चाहन्न । म संग अहिले समय छैन । तर, मेरो बिचारमा भविष्यबारे हामी चांडै कुरा गर्नेछौ ।'
यता, रियल मड्रिड पनि हाजार्ड भित्र्याउन चाहिरहेको छ । तर, रियल यस सिजनको विन्डोज ट्रान्सफरमा हाजार्ड भित्र्याउन असफल भएको थियो । स्टार स्ट्राइकर क्रिस्टियानो रोनाल्डोलाई इटालियन क्लब युभेन्ट्समा बेचेपछि रियलले हाजार्डलाई ल्याउने तयारी गरेको थियो ।
यस्तै हाजार्डले सम्झौता नवीकरणको लागि चेल्सीले चासो नदेखाएको बताएका छन् । तर, हाजार्डले सम्झौता नवीकरणको लागि चाडै कुराकानी हुने बताए । हाजार्डले भने,' यदि उनीहरु म संग आउछ भने सायद म अहिले कुरा गर्न तयार छु । म कुरा गर्नेछु ।'
त्यस्तै हाजार्डले चेल्सी छाड्ने र नछाड्ने बिषयमा आफु दोधारमा रहेको बताए । र, उक्त निर्णय आफ्नो लागि सबैभन्दा कठिन हुने बताए ।
'बिहान उठेपछि सोच्ने गर्छु, 'मैले छाड्नु पर्छ' । कहिलेकाही सोच्छु म यहाँ बस्नै पर्छ । यो मेरो लागि सबैभन्दा कठिन क्षण हुनेछ,' हाजार्डले भनेका छन् ।
बेल्जियमका कप्तान समेत रहेका २७ बर्षीय हाजार्डको चेल्सीसंगको सम्झौता अझै २ बर्ष बाँकी रहेको छ । हाजार्ड सन् २०१२ मा चेल्सी आएका थिए ।
-1735220291.jpg)
