एजेन्सी । चेल्सीका विङ्गर इडेन हजार्डले आफु करियरकै उच्च फर्ममा रहेको बताएका छन् । प्रिमियर लिगमा सिजनको सात गोल गरेका क्रममा साउथह्याम्टलाई पराजित गरेसंगै हजार्डले सो कुरा बताएका हुन् ।
एर्भटनबाट चेल्सी आएका बार्कलीको पहिलो गोल तथा हजार्ड र अल्भारो मोराटाको गोलमा चेल्सीले आईतबार राति साउथह्याम्टनलाई ३–० ले हराएको थियो । चालु सिजनमा हजार्डले लण्डन क्लबको जर्सीमा ११ गोल गरेका छन् । र उनले आफु करियरकै उच्च फर्ममा रहेको स्पष्ट पारेका छन् ।
‘हामीले खेल्नमा रमाईलो गरिरहेका छौ । र गोल पनि गरिरहेका छौ ।’ एक टेलिभिजनमा उनले भने, ‘पहिलो हाफ राम्रो रहेन । हामीले राम्रा अवसर गुमायौ । तर दोस्रो हाफमा हामीले खेल नियन्त्रणमा लियौ ।’
‘मलाई थाहा छैन, यदी मैले राम्रो खेलेको छु भने, मैले राम्रो फुटबल खेलिरहेको छु । मैले मात्र फुटबल खेलिरहेको छु । किनकी हामी राम्रो फुटबल खेलिरहेका छौ । म यसलाई जारी राख्न चाहन्छु । सबैलाई खुसी राख्न चाहन्छु ।’ उनले भने ।
‘मैले कहिल्यै ब्यक्तिगत उपलब्धीको बिषयमा सोचेको छैन । जब जित निस्कन्छ म खुसीनै छु । सायद मैले त्यस बिषयमा सोच्नुपर्छ । धेरै मानिस गोलको बिषयमा मात्र सोच्छन् ।’ हजार्डले थपे ।
प्रशिक्षक माउरिजियो सर्रीको नेतृत्वमा उपाधिको चुनौती दिने बिषयमा नसोचेको भएपनि सिजनको उत्कृष्ट सुरुवात गर्न सफल भएको हजार्डले बताएका छन् ।
-1735220291.jpg)
