महिला राष्ट्रिय फुटबल टोलीमा पाँच नयाँ अनुहार, को को अटाए ?

गृहपृष्ठ
फुटबल

आइतबार, असोज २१, २०७५ नमीन ढकाल

काठमाडौं । जापानमा आयोजना हुने सन् २०२० को ओलम्पिक खेलका लागि एसिया छनोट खेल्ने नेपाली राष्ट्रिय महिला फुटबल टोलीको घोषणा आइतबार भएको छ ।

अखिल नेपाल फुटबल संघ (एन्फा) ले २२ सदसीय नेपाली टोलीको घोषणा गरेको हो । रेनुका नगरकोटीको कप्तानीमा घोषणा गरिएको नेपाली टोलीमा पाँच नयाँ खेलाडी रहेका छन् ।

मुख्य प्रशिक्षक हरि खड्काले पाँच खेलाडीलाई मौका दिएका छन् । नेपाली टोलीमा सशत्र प्रहरीको एपीएफ क्लबबाट दुई, त्रिभुवन आर्मीबाट दुई र नेपाल पुलिसबाट एक खेलाडीले नेपाली टोलीमा स्थान बनाएका छन् ।

नेपाली टोली केहि साता नेपालमा तयारी गरेर चीनमा अभ्यास खेलमा लागि जानेछ । नेपालले चीनमा मैत्रीपूर्ण खेल खेल्नेछन् ।

ओलम्पिकका लागि एसिया छनोटमा नेपाल समूह 'सी' मा रहेको छ । नेपालको समूहमा भारत, बंगलादेश र म्यानमार रहेका छन् ।

छनोट अन्तर्गत नेपाल रहेको समूहको छनोट खेल नोभेम्बर ८ देखी ११ सम्म हुनेछ । नेपालले नोभेम्बर ८ मा भारत, ११ मा म्यानमार र १३ मा बंगलादेशसंग खेल्नेछन् । तर, खेल आयोजना हुने स्थलको तय भएको छैन ।

नेपाली टोलीका पहिलोपटक परेका पाँच खेलाडी कस्ता छन् ? पाँच खेलाडीबारे जान्नुहोस् ।

दिपा न्यौपाने

उमेर – २२

पोजिसन – राईट विङ्गर

नेपाल पुलिस क्लबको महत्वपूर्ण सदस्य दिपा न्यौपाने पहिलो पटक राष्ट्रिय टिममा स्थान बनाउन सफल भएकी हुन् । पुलिसमा उत्कृष्ट प्रदर्शन गर्दै आइरहेकी दिपा यसअघि क्लोज क्याम्पमा परेपनि अन्तिम समयमा टिमबाट बाहिरिदै आएकी थिइन् ।

राईट विङ्गर दिपा साउन ७ देखि १५ सम्म आयोजना भएको उपराष्ट्रपति कप महिला लिगमा उत्कृष्ट प्रर्दशन गर्दै राष्ट्रिय टोलीमा पर्न सफल रहेकी हुन्

अनिता केसी

उमेर – २१

पाजिसन – स्ट्राइकर

अनिता केसी विभागीय टोली एपीएफ क्लबका महत्वपुर्ण सदस्य हुन् । पछिल्लो पटक अन्तिम समयमा आएर टिममा पर्न असफल अनिता यसपटक भने नेपाली टोलीमा अटाउन सफल भईन । पहिलो पटक राष्ट्रिय टोलिमा पर्न सफल अनिता साउन ७ देखि १५ सम्म आयोजना भएको उपराष्ट्रपति कप महिला लिगमा उत्कृष्ट प्रर्दशन गरेकी थिइन् ।

उक्त प्रतियोगितामा अनिताले पहिलो खेलमा काठमाडौंविरुद्ध ह्याट्रिक गर्न सफल भएकी थिइन् । अर्को खेलमा अनिताले पुलिसविरुद्ध एक गोल गरेकी थिइन् । एपीएफ प्रतियोगिताको विजेता भएको थियो ।

रुपा राना मगर

उमेर – २४

पोजिसन – गोलकिपर

यसअघि दुई पटक क्लोज क्याम्पमा रहेर पनि अन्तिम समयमा रुपा राना मगर टिमबाहिर रहेकी थिइन् । तर, रुपाले तेस्रो पटकमा राष्ट्रिय टोलीमा स्थान बनाउन सफल भएकी छिन् ।

रुपा विभागीय क्लब एपीएफबाट खेल्दै आएकी छिन् । पछिल्लो समय आयोजना भएको उपराष्ट्रपति कप महिला लिग अन्तर्गत रुपाले दुई खेलमा पोष्ट समाल्ले अवसर पाएकी थिइन् । उनको टिम प्रतियोगीताको विजेता भएको थियो ।

विमला चौधरी

उमेर – २१

पोजिसन – लेफ्ट विङ्गर

विमला चौधरी विभागीय टोली नेपाल आर्मीको महत्वपुर्ण सदस्य हुन् । र, विमलाले पहिलो पटक राष्ट्रिय टोलीमा स्थान बनाउन सफल भएकी हुन् ।

पछिल्लो समय उपराष्ट्रपति कप महिला लिग भने विमलाका लागि बिर्सनलायक रह्यो । नेपाल पुलिस क्लबविरुद्धको पहिलो खेलमा कुममा लागेको चोटले उनले पुरै लिग गुमाउन पुगिन् । प्रतियोगीतामा नेपाल आर्मी दोस्रो भएको थियो ।

इन्दिरा राई

उमेर – २१

पोजिसन – सेन्टर मिडफिल्डर