काठमाडौं । ललित स्मृति यू - १८ फुटबल च्याम्पियनसिप अन्तर्गत अहिले हिमालयन शेर्पा र रुस्लान थ्रीस्टार क्लबबीच प्रतिस्पर्धा भईरहेको छ ।
ललितपुरको सातदोबाटोस्थित एन्फा कम्प्लेक्समा सुरु भएको खेलमा दुवै टोली ३ अंक जोड्ने लक्ष्यसहित मैदान उत्रिएका छन् । समुह चरणको पहिलो खेलमा हिमालयन शेर्पाले फ्रेन्ड्ससँग गोल रहित बराबरी खेलेको थियो । तर थ्रीस्टारले पहिलो खेलमा मनाङलाई स्तब्ध पारेको थियो ।
समुह चरणको दोस्रो खेलमा भने थ्रीस्टारले पश्चिमाञ्चलसंग गोल रहित बराबरी खेल्दै अंक बाँडेको थियो । सोही कारण नकआउट चरण प्रवेशको सम्भावना सहज बनाउन दुवै टोलीको लक्ष्य महत्वपुर्ण तीन अंक जोड्नुमा हुनेछ ।
