काठमाडौं । आईसीसी विश्व टी ट्वान्टी एसिया छनोट समुह बी अन्तर्गत थाईल्याण्डविरुद्धको तेस्रो खेलमा नेपालले टस हारेर पहिले ब्याटिङ गरिरहेको छ ।
क्वालालम्पुस्थित बायुवास ओभलमा नेपालले लगातार विकेट गुमाएको छ । नेपालले छैटौं र सातौं विकेटको रुपमा कप्तान पारस खड्का र उपकप्तान ज्ञानेन्द्र मल्ललाई गुमाएको छ । पारस ५ र ज्ञानेन्द्र ७ रनमा आउट भए ।
योसंगै नेपालले १८ ओभरको खेल सकिदा ७ विकेट गुमाएर १३४ रन जोडेको छ । क्रिजमा सोमपाल कामी र करण केसी रहेका छन् ।
नेपाल आज थाइल्याण्डलाई हराएर तेस्रो जितको खोजीमा हुनेछ । थाइल्याण्ड नेपालको लागि नौलो प्रतिद्वन्द्वी समेत हो । महिला र उमेर समूहमा नेपालले थाइल्याण्डसंग प्रतिस्पर्धा गरिसकेको छ । तर, पुरुष टोलीले भने दोस्रो पटक खेल्न लागेका हुन् ।
यसअघि सन् १९९८ को एसीसी ट्रफीमा नेपाल र थाइल्याण्डबीचको खेल तय भएको थियो । तर, वर्षाको कारण उक्त खेल टस समेत नभई स्थगित भएको थियो ।
जारी छनोटमा थाइल्याण्ड शीर्ष स्थानमा रहेको छ । थाइल्याण्डले ३ खेलबाट ५ अंक जोडेको छ । २ खेलबाट नेपालले ४ अंक जोडेको छ । नेपाल तेस्रो स्थानमा छ । २ खेलबाट ४ अंक जोडेको सिंगापुर दोस्रो स्थानमा छ ।
-1732933394.jpg)
-1732928900.webp)
1711199972.jpeg)
