एजेन्सी । जर्मन बुन्डेस लिगा फुटबलमा साबिकको विजेता वायर्न म्युनिख पराजित भएको छ । शनिबार राति भएको खेलमा वायर्नलाई मोन्चेनग्लाडवाचले ३ - ० ले हराएको हो ।
वायर्न घरेलु मैदानमै मोन्चेनग्लाडवाचसंग स्तब्ध भयो । मोन्चेनग्लाडवाचको जितमा अलेस्साने प्लेया र लार्स स्टिनडल र प्याट्रिक हेर्मनले एक एक गोल गरे । वायर्नविरुद्ध मोन्चेनग्लाडवाचले पहिलो हाफमा दुई र दोस्रो हाफमा एक गोल गरेको थियो ।
मोन्चेनग्लाडवाचसंग घरेलु मैदानमा पराजित भएसंगै वायर्न म्युनिखले लिगको दोस्रो स्थानमा उक्लने मौका गुमाएको छ । हारपछि ७ खेलबाट १३ अंक जोडेको वायर्न पाँचौ स्थानमा छ । जितसंगै मोन्चेनग्लाडवाच ७ खेलबाट १४ अंक जोडेर दोस्रो स्थानमा उक्लिएको छ ।
लिगको शीर्ष स्थानमा बोरुसिया डर्टमण्ड रहेको छ । डर्टमण्डले शनिबार अग्स्बर्गलाई ४ - ३ ले पराजित गरेको थियो । डर्टमण्डले ७ खेलबाट १७ अंक जोडेको छ ।
-1735138694.jpeg)
-1735136879.JPG)
