एजेन्सी । स्पेनिस ला लिगा फुटबलमा उपाधि दाबेदार क्लब रियल मड्रिड पराजित भएको छ । शनिबार भएको खेलमा रियल डिपोर्टीभो अलाभेससंग १ - ० ले पराजित भएको हो ।
घरेलु मैदानमा भएको खेलमा अलाभेसलाई जित दिलाउन मनु ग्रासियाले निर्णायक गोल गरे । खेलको अन्तिम समयमा सम्हालिन नसक्दा रियलले गोल खाएको हो ।
पहिलो हाफ र निर्धारित ९० मिनेट बराबरी खेलेको रियलले इन्जुरी समयमा गोल खाएको थियो । इन्जुरी समयको चौथो मिनेटमा ग्रासियाले गोल गर्दै अलाभेसलाई १ - ० को जित दिलाए ।
अलाभेससंगको हारसंगै रियलले शीर्ष स्थानमा उक्लने मौका गुमाएको छ । रियलले ८ खेलबाट १४ अंक जोडेको छ । र, दोस्रो स्थानमा छ । ७ खेलबाट १४ अंक जोडेको बार्सिलोना शीर्ष स्थानमा छ ।
रियललाई हराएसंगै अलाभेस ८ खेलबाट १४ अंक जोडेर लिगको तेस्रो स्थानमा उक्लिएको छ ।
स्पेनिस ला लिगा अन्तर्गत नै शनिबार राति लेभान्टेले गेटाफेलाई १ - ० ले हराएको छ । यस्तै इबरले जिरोनालाई ३ - २ ले पराजित गर्दा लेगानेसले रियल भालेकानोलाई १ - ० ले हराएको छ ।
-1735138694.jpeg)
-1735136879.JPG)
