काठमाडौं । स्पेनिस महारथी बार्सिलोनाको समर्थनमा नेपालमा रहेको बार्सा नेपाल क्लब नैकाप गोल्डकपको क्वाटरफाइनल प्रवेश गरेको छ ।
नैकापमा जारी प्रतियोगिता अन्तर्गत शनिबार भएको खेलमा बार्सा नेपालले गोल्डस्टार फुटबल क्लबलाई १–० गोल अन्तरले पराजित गर्याे ।
प्रतिस्पर्धात्मक खेलमा बार्सा नेपाललाई विजयी गराउन एक मात्रै गोल कप्तान सन्तोष चोधरीले गरे । उनले खेलको पहिलो हाफमा गोल गरेका थिए । खेलको म्यान अफ दि म्याच बार्सा नेपालका गोल किपर राजु तामाङ घोषित भए ।
बार्सा नेपालका अध्यक्ष प्रकाश घर्तिको नेतृत्वमा रहेको बार्सा नेपालका सयौँ संख्याका समर्थकहरु खेलाडीको हौसला प्रदान गर्न मैदान पुगेका थिए ।
नैकाप गोल्डकपमा सहभागिता जनाएको बार्सा नेपाल पल्सर सहिद स्मारक 'ए' डिभिजन लिग खेलिरहेको दिपेश खतिवडाको प्रशिक्षणमा रहेको छ । बार्सा नेपालको ब्यबस्थापकमा सक्रिय सदस्य सिताराम दाहाल छन् ।
कुल ३२ टोली रहेको नैकाप गोल्डकपको विजेताले ३ लाख रुपैया प्राप्त गर्नेछ ।
-1735138694.jpeg)
-1735136879.JPG)
