एजेन्सी । इन्ग्लिश प्रिमियर लिग फुटबलमा टोटेनहमले साँघुरो जित हात पारेको छ । शनिबार भएको खेलमा टोटेनहमले कार्डिफ सिटीलाई १ - ० ले हराएको हो ।
घरेलु मैदानमा टोटेनहमलाई जित दिलाउन एरिक डायरले निर्णायक गोल गरे । डायरले पहिलो हाफको आठौं मिनेटमा गरेको गोलले टोटेनहमले ३ अंक जोडेको हो ।
यस्तै खेलको ५८ औं मिनेटमा जोई रल्सले रातो कार्ड पाएपछि कार्डिफ १० खेलाडीमा समेटिएको थियो । तर, टोटेनहमले थप गोल गर्न सकेनन् ।
जितसंगै टोटेनहमले ८ खेलबाट १८ अंक जोडेर शीर्ष तीनमा स्थान पक्का गरेको छ । २ अंक जोडेको कार्डिफ पुछारमा छ ।
प्रिमियर लिग अन्तर्गत नै एभर्टनले लेष्टर सिटीलाई २ - १ ले हराएको छ । यस्तै बर्नेमाउथले वाट्फोर्डलाई ४ - ० ले हराउदा वुल्भ्सले क्रिस्टल प्यालेसलाई १ - ०ले हराएको छ ।
-1735138694.jpeg)
-1735136879.JPG)
