एजेन्सी । इन्ग्लिश प्रिमियर लिग फुटबल अन्तर्गत आज (शनिबार) विभिन्न ६ खेल हुँदैछ । प्रिमियर लिग अन्तर्गत आज म्यानचेस्टर युनाइटेड, टोटेनहम, एभर्टन लगायतका क्लबले आ-आफ्नो प्रतिद्वन्द्वीविरुद्ध खेल्नेछन् ।
आज हुने खेलमध्ये म्यानचेस्टर युनाइटेडको खेल प्रतिक्षाको खेल बन्नेछ । जोसे मोरिन्होको टिम म्यानचेस्टर युनाइटेडले घरेलु मैदानमा न्युकासल युनाइटेडसंग खेल्नेछ । दुई टिमबीच खेल नेपाली समय अनुसार १०:१५ मा सुरु हुनेछ ।
न्युकासलविरुद्ध मैदान उत्रदा प्रशिक्षक मोरिन्हो दबाबमा हुनेछन् । युनाइटेडले लगातार खराब प्रदर्शन गरिरहेपछि प्रशिक्षक मोरिन्होले पद समेत धरापमा परेको छ । यस्तोमा युनाइटेडले न्युकासललाई हराएर राहत बटुल्न चाहन्छ ।
युनाइटेडले ७ खेलबाट १० अंक जोडेको छ । र, लिगको दशौं स्थानमा छ ।
यस्तै प्रिमियर लिगमा टोटेनहमले कार्डिफ सिटीसंग आफ्नै मैदानमा खेल्दैछ । दुई टोलीबीचको खेल नेपाली समय अनुसार ७:४५ मा सुरु हुनेछ ।
यसै समयमा अन्य चार खेल पनि हुनेछ । लेष्टर सिटीले एभर्टनसंग प्रतिस्पर्धा गर्दा बर्नलीले हडर्सफिल्डसंग खेल्नेछ । यस्तै क्रिस्टल प्यालेसले वुल्भ्स र वाट्फोर्डले बर्नेमाउथसंग खेल्नेछ ।
-1735138694.jpeg)
-1735136879.JPG)
