काठमाडौं । आईसिसी विश्व टी–ट्वान्टी क्रिकेट एसिया छनोट समूह 'बी' अन्तर्गत आयोजक मलेसियाले दिएको १०१ रनको सामान्य लक्ष्यसहित जवाफी ब्याटिङ गरिरहेको नेपालले पहिलो विकेट गुमाएको छ ।
क्वालालम्पुरस्थित वायुमास ओभलमा नेपालले मात्र २ रन जोड्दा ओपनर अनिल कुमार साहलाई १ रनमा गुमाएको हो ।
मलेसियाका स्याज्रुल इद्रुसले अनिललाई पेभेलियनको बाटो देखाए । अनिल आउट भएसंगै कप्तान पारस खड्का क्रिजमा आएका छन् ।
यससघी टस जितेर ब्याटिङ गरेको मलेसियाले १९ ओभर ३ बलमा अलआउट हुँदै १०० रन बनाएको थियो । नेपालका युवा बलर सन्दीप लामिछाने चम्किएपछि मलेसिया सस्तैमा समेटिएको थियो । मलेसियाका लागि सफिक सरिफले ४९ रन जोड्दा सायद अजिजले १३ रन जोडे । अन्य मलेसियन ब्याट्सम्यानले दोहोरो अंक जोड्न सकेनन ।
मलेसियालाई सस्तैमा समेट्न लेग स्पिनर सन्दीपले ५ विकेट लिए । त्यस्तै सोमपाल कामीले ३ विकेट लिदा कप्तान पारस खड्काले एक विकेट लिए ।
पहिलो खेलमा म्यानमारलाई हराएको नेपालले आफ्नो दोस्रो खेलमा मलेसियासंग खेलिरहेको हो । बुधबार भएको खेलमा नेपालले कमजोर टिम म्यानमारलाई ८ विकेटले हराएको हो ।
-1732933394.jpg)
-1732928900.webp)
1711199972.jpeg)
