काठमाडौं । आईसिसी विश्व टी–ट्वान्टी क्रिकेटएसिया छनोट समूह 'बी' अन्तर्गत मलेसियाविरुद्ध नेपालले पहिले बलिङ गर्ने भएको छ ।
क्वालालम्पुरस्थित वायुमास ओभलमा आयोजक मलेसियाले टस जितेर ब्याटिङ रोजेपछि नेपालले बलिङ मौका पाएको हो । खेल केहि बेरमा सुरु हुनेछ ।
पहिलो खेलमा म्यानमारलाई हराएको नेपालले आफ्नो दोस्रो खेलमा मलेसियासंग खेल्न लागेको हो । बुधबार भएको खेलमा नेपालले कमजोर टिम म्यानमारलाई ८ विकेटले हराएको हो ।
आज नेपाल मलेसियालाई हराएर लगातार दोस्रो जित निकाल्ने लक्ष्यमा हुनेछ ।
नेपालले सन् २०१३ पछि पहिलोपटक मलेसियासंग टी-ट्वान्टी फर्म्याटमा प्रतिस्पर्धा गर्न लागेको हो । एकदिवसीयमा भने नेपालले गत महिना मलेसियासंग खेलेको थियो ।
टी-ट्वान्टीको पछिल्लो तीन भेटमा नेपालले मलेसियालाई दुई पटक हराएको छ । एक खेल मलेसियाले जितेको छ ।
-1732928900.webp)
1711199972.jpeg)
