काठमाडौं । वाइवाइ ग्रेट हिमालयन क्रिकेट एकेडेमी (जिएचसीए) को यू-१७ क्रिकेट टिमले बंगलादेशमा मैत्रीपूर्ण क्रिकेट सिरिज खेल्ने भएको छ । तीन मैत्रीपूर्ण सिरिजका लागि जिएचसीएको टोली बंगलादेश प्रस्थान गरेका छन् ।
एकेडेमीको टिमले ढाकामा दुई र कक्सेस बजारमा दुई मैत्रीपूर्ण खेल खेल्ने छ । एकेडमीको टिमले ढाकाको बंगलादेश क्लब क्रिकेट एकेडमी, स्मार्ट कोचिङ एकेडमी र कक्सेस बजार क्रिकेट एकेडमीसंग मैत्रिपुर्ण खेल खेल्ने खेल्नेछ । एकेडमीले यसअघि भारत, बंगलादेश र दुबईको पनि टुर गरिसकेको छ । मैत्रीपूर्ण असोज २० देखि २६ गते सम्म बंगलादेशको कक्सेसमा हुनेछ ।
बिशांक सुवेदीको कप्तानीमा रहेको एकेडमीको टोलीमा मनिस सिंह, आदित सुवेदी, आर्जन सिम्खाडा, आकाश पौडेल, श्रीसन शर्मा, आकाश नेपाल, नितिस विष्ट, राज बर्मा, प्रिसुस थापा, आदित्य सुवेदी, परिक्षित ढकाल र एकनाथ नेपाल रहेका छन् ।
जिएचसीएको टोलीलाई शुक्रबार एक कार्यक्रमकाबीच विदाई गरिएको थियो ।
कार्यक्रममा बिगत चार बर्ष देखि यसै एकेडमीमा प्रशिक्षण गरिरहेका सागर ढकाललाई पनि सम्मान गरिएको थियो । बंगलादेशको ढाकामा भएको यू–१९ एसिया कप क्रिकेटमा राम्रो पदर्शन गरेका सागरलाई एकेडमीले नगद १० हजारले सम्मान गरेको हो ।
-1732928900.webp)
1711199972.jpeg)
