काठमाडौं । साफ यू–१५ पुरुष च्याम्पियनसिमको नयाँ खेल तालिका सार्वजनिक भएको छ । श्रीलंकाले अन्तिम समयमा आएन नखेल्ने निर्णय लिएपछि साफको नयाँ तालिका सार्वजनिक भएको हो ।
नयाँ तालिका अनुसार नेपाल समुह 'ए' रहेको छ । नेपाल रहेको समुहमा नेपाल सहित बङ्गलादेश र माल्दिभ्स रहेका छन् । त्यस्तै समुह बि मा भारत भुटान र पाकिस्तान रहेका छन् ।
यसअघि, नेपाल सहित बङ्गलादेश, माल्दिभ्स र पाकिस्तान एउटै समुह 'ए' मा थिए भने भारत, भुटान र श्रीलंका समुह 'बि' मा रहेका थिए । नेपालले आयोजना गर्ने प्रतियोगिता अक्टोबर २५ देखि नोभेम्बर ३ सम्म काठमाडौंमा हुदैछ ।
प्रतियोगिताका सबै खेल एन्फा कम्प्लेक्स सातदोबाटोमा आयोजना हुनेछ । प्रतियोगिता अन्तर्गत नेपालको पहिलो खेल अक्टोबर २५ तारिखको दिन दिउँसो साढे ३ बजे माल्दिभ्ससँग रहेको छ ।
त्यस्तै, दोस्रो खेल २९ अक्टोबर साढे ३ बजे बङ्गलादेशसँग रहेको छ ।
