एजेन्सी । युरोपा लिग फुटबल समूह चरण अन्तर्गत दोस्रो चरणको खेलहरु आज (बिहिबार) हुँदैछ । युरोपा लिगमा आज १२ वटै समूहको दुई दुई खेल हुँदैछ ।
युरोपा लिगमा आज दुई इन्ग्लिश क्लब चेल्सी र आर्सनलले आ-आफ्नो प्रतिद्वन्द्वीविरुद्ध प्रतिस्पर्धा गर्दैछ । त्यस्तै इटालियन क्लब एसी मिलान, स्पेनिस क्लब भिया रियल, सेभिया लगायतका चर्चित क्लबले प्रतिस्पर्धा गर्दैछन् ।
सहज मानिएको समूह समूह 'एल' मा रहेको चेल्सीले हंगेरीको मोल भिडी एफसीविरुद्ध घरेलु मैदानमा खेल्नेछ । दुई टोलीबीचको खेल राति १२:४५ मा सुरु हुनेछ ।
पहिलो खेलमा ग्रिसको पिएओकेलाई हराएको चेल्सी लगातार दोस्रो जित निकाल्ने लक्ष्यमा हुनेछ । यसै समूहको अर्को खेलमा बेलारुसको बाटे बेरिसोभ र ग्रिसको पिएओकेले प्रतिस्पर्धा गर्नेछन् ।
यस्तै समूह 'ई' को आर्सनलले अजरबैजानको क्वाराबागसंग खेल्नेछ । क्वाराबागको मैदानमा हुने खेल राति १०:४० मा सुरु हुनेछ । पहिलो खेलमा युक्रेनको भोर्स्क्लालाई हराएको आर्सनल पनि दोस्रो जितको खोजीमा हुनेछ । यसै समूहको अर्को खेलमा पोर्चुगलको स्पोर्टिङ लिस्बोनले युक्रेनको भोर्स्क्लासंग खेल्नेछ ।
त्यस्तै समूह 'एफ' को एसी मिलानले ओलाम्पिकोससंग खेल्नेछ । स्पेनिस क्लब भिया रियलले स्पार्टक मस्कोसंग खेल्दा सेभियाले क्रान्सोडरविरुद्ध प्रतिस्पर्धा गर्नेछन् ।
-1735136879.JPG)
