एजेन्सी । इमरान ताहिरले ह्याट्रिक विकेट लिएपछि दक्षिण अफ्रीकाले जिम्बावेविरुद्ध एक दिवसीय क्रिकेट सिरिज एक खेल अगाबै जितेको छ ।
बुधबार राति भएको दोस्रो खेलमा ताहिरले ह्याट्रिकसहित ६ विकेट लिएपछि घरेलु टोली दक्षिण अफ्रीकाले जिम्बावेलाई १२० रनले हराउन सफल भयो । जितसंगै दक्षिण अफ्रीकाले तीन खेलको सिरिज २ - ० ले आफ्नो बनाउदै सिरिज जितेको छ ।
दक्षिण अफ्रीकाले दिएको १९९ रनको लक्ष्यसहित जवाफी ब्याटिङ गरेको जिम्बावे ताहिरको किफायती बलिङसामु निरिह हुँदै ७८ रनमा अलआउट भयो ।
जिम्बावेका लागि कप्तान ह्यामिल्टन मासाकाज्दाले २७, डोनाल्ड तिरिपनोले अविजित १२ र ब्रेनडेन टेलरले १० रन जोडे ।
जिम्बावेलाई सस्तैमा समेट्न ताहिरले इल्टोन चिगुम्बारा, पिटर मुर र ब्रानडन माभुतालाई पेभेलियन फर्काउदै ह्याट्रिक विकेट लिएका थिए । उनले ६ ओभर बलिङ गर्दै मात्र २४ रन खर्चेर ६ विकेट हात पारे । यस्तै डेल स्टेनले २ विकेट लिए ।
यसअघि टस जितेर पहिले ब्याटिङ गरेको दक्षिण अफ्रीकाले ४७ ओभर ३ बलमा अलआउट हुँदै १९८ रन जोडेको थियो । दक्षिण अफ्रीकाका लागि डेल स्टेनले ६० रनको अर्धशतकीय इनिङस खेल्दा एडिन माक्रमले ३५ रन जोडे ।
जिम्बावेका टेनदाई चतराले ३ विकेट लिए ।
-1732928900.webp)
1711199972.jpeg)
