मानेभञ्ज्याङ । मानेभञ्ज्याङमा जारी चौथो संस्करणको मानेभञ्ज्याङ गोल्डकपको उपाधीकालागि युनाइटेड ब्रदर कालेम्पोङ र गुम बोइज दार्जिलिङबिच प्रतिस्पर्धा हुँदैछ ।
कालेम्पोङले चर्च व्वाइज काठमाण्डौ र दार्जिलिङले विराटनगर ११ लाई हराउँदै फाइनलको यात्रा तय गरेका हुन् । गत भदौ ३० गतेबाट जारी प्रतियोगितामा नेपाल र भारतका २२ वटा क्लबको सहभागीता रहेको थियो ।
प्रतियोगिताको बिजेताले नगद ३ लाख २० हजार र उपविजेताले नगद १ लाख ६० हजार रुपैया प्राप्त गर्नेछ । त्यसैगरी सेमीफाइनल पुग्ने विराटनगर र काठमाण्डौले जनही २५ हजार रुपैया प्राप्त गरेका छन् ।
