एजेन्सी । इन्ग्लिश प्रिमियर लिग फुटबलमा बोर्नेमाउथले संघर्षपूर्ण जित निकालेका छन् । सोमबार राति भएको खेलमा बोर्नेमाउथले क्रिष्टल प्यालेसलाई २ - १ ले हराएको छ ।
घरेलु मैदानमा बोर्नेमाउथलाई जित दिलाउन डेभिड ब्रूक्स र जुनियर स्टानीलासले एक एक गोल गरे । क्रिष्टलका प्याट्रिक भानले एक गोल फर्काए ।
जितसंगै बोर्नेमाउथले ७ खेलबाट १३ अंक जोडेको छ । र, लिगको सातौं स्थानमा उक्लिएको छ । पराजित क्रिष्टलको ७ खेलबाट ७ अंक छ ।
लिगको शीर्ष स्थानमा म्यानचेस्टर सिटी, दोस्रोमा लिभरपुल र तेस्रो स्थानमा चेल्सी रहेका छन् ।
