एजेन्सी । रियल मड्रिडका विङ्गर ग्यारेथ वेलले च्याम्पियन्स लिग फुटबल अन्तर्गत सीएसकेए मस्कोविरुद्धको खेल गुमाउने भएका छन् ।
वेल्सका अन्तराष्ट्रिय खेलाडी वेलले मांसपेसिको चोटका कारण च्याम्पियन्स लिगको आगामी खेल गुमाउने भएका हुन् । चोटकै कारण गत शनिबार भएको मड्रिड डर्बीको दोस्रो हाफको खेलमा उनी स्थानान्तरण भएका थिए ।
प्रशिक्षक जुलेन लुपेटिगुईको अर्को चिन्ताको बिषय भनेको च्याम्पियन्स लिगको खेलमा कप्तान सर्जियो रामोस समेत उपलब्ध हुनेछैनन् ।
त्यस्तै, घुँडाको चोटका कारण मार्सेलो र एपेन्डिक्सको सल्यक्रिया गरेका ईस्कोले समेत च्याम्पियन्स लिगको खेल गुमाउनेछन् ।
