नेपाली राष्ट्रिय क्रिकेट टोली आज मलेसिया जाँदै

गृहपृष्ठ
क्रिकेट

सोमबार, असोज १५, २०७५ खेलपाटी संवाददाता

काठमाडौं । आईसिसी विश्व टी–ट्वान्टी क्रिकेट अन्तर्गत एसिया छनोट समूह 'बी' मा सहभागिता जनाउन नेपाली राष्ट्रिय क्रिकेट टोली आज (सोमबार) मलेसिया जाँदै छन् ।

पारस खड्काको कप्तानीमा रहेको १४ सदसीय नेपाली टोली अपराह्न १ बजे मलेसिया प्रस्थान गर्ने कार्यकम रहेको छ

मलेसियाको क्वालालम्पुरमा हुने छनोटमा नेपालले आयोजक मलेसिया, भुटान, सिंगापुर, चीन, म्यानमार, थाइल्याण्डसंग प्रतिस्पर्धा गर्नेछन् ।

छनोटका लागि नेपालले आइतबार मात्र टोलीको घोषणा गरेको थियो । नेपाली टोलीमा प्रदिप ऐरीले पुनरागमन गरेका छन् । चोटका कारण प्रदीप सन् २०१५ पछि पहिलोपटक टिममा परेका हुन् ।

नेपालले पहिलो खेलमा म्यानमारसंग बिहिबार खेल्नेछ । यस्तै नेपालले दोस्रो खेलमा मलेसियासंग अक्टोबर ६ मा खेल्दा तेस्रो खेल थाइल्याण्डविरुद्ध अक्टोबर ७ मा खेल्नेछ ।

यस्तै नेपालले ९ अक्टोबरमा भुटानसंग प्रतिस्पर्धा गर्दा १० अक्टोबरमा चीन र १२ अक्टोबरमा सिंगापुरसंग खेल्ने छ ।

छनोटबाट शीर्ष तीन टोलीले एसिया छनोटमा स्थान बनाउने छन् । एसिया छनोटबाट शीर्ष दुई टोलीले विश्वकपमा स्थान बनाउने छन् । एसिया छनोटमा ७ टोलीले खेल्नेछन् ।

अष्ट्रेलियामा हुने टी-ट्वान्टी विश्वकप सन् २०२० को अक्टोबर १८ देखी १५ नोभेम्बरसम्म हुनेछ । जसमा १६ टोलीले खेल्नेछन् ।

नेपाली टोलि :

पारस खड्का (कप्तान)

अनिल कुमार साह

बसन्त रेग्मी

बिनोद भण्डारी

दिपेन्द्र सिंह ऐरी

ज्ञानेन्द्र मल्ल

करण केसी

ललित भण्डारी

ललित नारायण राजवंशी

आरिफ शेख