एजेन्सी । इटालियन सिरी ए फुटबलमा एसी मिलानले सहज जित हात पारेको छ । आइतबार राति भएको खेलमा मिलानले सासोउलोलाई ४ - १ ले हराएको हो ।
सासोउलोको मैदानमा मिलानलाई जित दिलाउन सुसोले दुई गोल गरे । यस्तै फ्राक्न्स किसी र सामुले एक एक गोल गरे । सासोउलोका फिलिपले एक गोल फर्काए ।
जितसंगै मिलानले ६ खेलबाट ९ अंक जोडेको छ । मिलान दशौं स्थानमा छ । परजित सासोउलो ७ खेलबाट १२ अंक जोडेर पाँचौ स्थानमा छ ।
लिगको शीर्ष स्थानमा युभेन्ट्स रहदा दोस्रो स्थानमा नेपोली रहेका छन् ।
