काठमाडौं । एसियाली फुटबल महासंघका अध्यक्ष सलमान विन अब्राहिम अल खालिफा नेपाल आउदै छन् । अखिल नेपाल फुटबल संघ एन्फाका पदाधिकारीसंग भेटघाट गर्न एएफसीका अध्यक्ष सलमान आज नेपाल आउन लागेका हुन् ।
एन्फाका अनुसार एएफसी र एन्फा पदाधिकारीको भेट भोली बिहान १० बजेकालागि तय भएको छ । भेटघाट भने ललितपुरको सातदोबाटोस्थित एन्फा कम्प्लेक्समा हुनेछ ।
एएफसी अध्यक्ष सलमानको भेटलाई एन्फाले गुडविल भिजिट भनेको छ । ‘यो नितान्त गुडविल भिजिट हो । खास छलफलको एजेण्डा केही छैन ।’ एन्फा प्रवक्ता किरण राईले भने ।
एफसीको निर्वाचनको मिति नजिकिदै गर्दा अध्यक्ष सलमानको नेपाल आगमनलाई महत्वकासाथ हेरिएको छ । एक समय एसियाबाट फिफा अध्यक्षका प्रत्यासी देखिएका उनी फेरी एएफसीको नेतृत्वमा रहन लबिङ गरिरहेका छन् । बहराईन फुटबल संघका अध्यक्ष समेत रहेका उनी फिफा निर्वाचनबाट पराजित भएका थिए ।
एन्फा पदाधिकारीसंगको भेट उनले एएफसीको निर्वाचनमा सहयोगको अपेक्षा गर्ने बताईएको छ ।
