काठमाडौं । पल्सर सहिद स्मारक 'ए' डिभिजन लिग फुटबल अन्तर्गत आज (आइतबार) एक खेल हुँदैछ ।
सातदोबाटोस्थित एन्फा टेक्निकल सेन्टरमा हुने खेलमा सरस्वती युथ क्लब र संकटा क्लबबीच प्रतिस्पर्धा हुनेछ ।
सरस्वती र संकटाबीचको खेल अपरान्ह ३ बजे सुरु हुनेछ । दुवै टोली जित निकाल्ने लक्ष्यसहित मैदान उत्रनेछन् ।
यसअघि शनिबार भएको उद्घाटन खेलमा एनआरटी र त्रिभुवन आर्मी क्लबले २ - २ गोलको बराबरी खेल्दै अंक बाडेका थिए ।
