एजेन्सी । लिभरपुलका पुर्व कप्तान स्टेभेन जेरार्डले लिभरपुलको मुख्य खेलाडी रोबर्टो फिर्मिन्हो रहेको बताएका छन् ।
लामो समयपछि लिभरपुलको प्लेईङ सेट उत्कृष्ट रहेको बताउदै जेरार्डले लिभरपुलको उत्कृष्ट सेटमा फिर्मिन्हो मुख्य हतियार रहेको बताए ।
बीबीसीसंगको कुराकानीमा जेरार्डले भनेका छन्, 'फिर्मिन्हो पक्कै पनि प्रतिभावान खेलाडी हुन् । जब तिमी उसको खेल नजिकबाट नियाल्छौं ।'
जोर्गेन क्लोपको लिभरपुलले यस सिजन प्रिमियर लिगमा उत्कृष्ट प्रदर्शन गरिरहेको छ । पछिल्लो ६ खेलमा अपराजित रहेको लिभरपुल शीर्ष स्थानमा छ ।
जसमा २६ बर्षीय ब्राजिलियन फरवार्ड फिर्मिन्होले २ गोल गरेका छन् । र, २ गोलको लागि पास उपलब्ध गराएका छन् । यस्तै च्याम्पियन्स लिग अन्तर्गत समूह चरणको पहिलो खेलमा पिएसजीविरुद्ध फिर्मिन्होले एक गोल गरेका थिए ।
'फिर्मिन्हो गोलको लक्ष्य प्राप्तिको लागि तालमेल मिलाउन माहिर छन् । फिर्मिन्हो लिभरपुलको मुख्य हतियार हो,' जेरार्डले भने ।
फिर्मिन्हो सन् २०१५ मा जर्मन क्लब होफेनहाइमबाट लिभरपुल आएका थिए । जेरार्डले फिर्मिन्होसंग सन् २०१५ को सिजन खेलेका थिए ।
इंग्ल्यान्डका जेरार्ड हाल स्कटिस क्लब रेन्जर्सका प्रशिक्षक रहेका छन् ।
-1735037168.JPG)
