एजेन्सी । इटालियन सिरी ए फुटबलमा एसी मिलान बराबरीमा रोकिएको छ । बिहिबार राति भएको खेलमा मिलानलाई इम्पोलीले १ - १ गोलको बराबरीमा रोकेको हो ।
इम्पोलीको मैदानमा भएको खेलमा दुवै गोल घरेलु टोलीले गरेको थियो । खेलको १० औं मिनेटमा आत्मघाती गोलबाट मिलानले अग्रता बनाएको थियो ।
इम्पोलीका लियोनार्दो कापेजीले आत्मघाती गोल गर्दा मिलानले पहिलो हाफमा १ - ० को अग्रता बनायो । तर, खेलको ८३ औं मिनेटमा इम्पोलीका फ्रान्सिस्को कापुटोले पेनाल्टीमा गोल गर्दै खेल १ - १ को बराबरीमा ल्याए ।
त्यसपछि थप गोल हुन सकेन र खेल १ - १ को बराबरीमा सकियो ।
यो बराबरीसंगै मिलानले ६ खेलबाट ६ अंक जोडेको छ । र, लिगको १४ औं स्थानमा छ । इम्पोलीको ६ खेलबाट ५ अंक छ ।
इटालियन सिरी ए अन्तर्गत नै अर्को खेलमा सोसुओलोले एसपीएललाई २ - ० ले हराएको छ ।
-1735037168.JPG)
