एजेन्सी । इटालियन सिरी ए फुटबलमा साबिकको विजेता युभेन्ट्सले लगातार छैटौं जित निकालेको छ ।
बुधबार राति भएको खेलमा युभेन्ट्सले बोलोग्नालाई २ - ० ले पराजित गर्यो ।
घरेलु मैदानमा युभेन्ट्सलाई जित दिलाउन पाउल डिबला र ब्लेइस माटुइडीले एक एक गोल गरे । युभेन्ट्सले दुवै गोल पहिलो हाफमा गरेको थियो ।
अघिल्ला दुई लिग खेलमा गोल गरेका स्टार फरवार्ड क्रिस्टियानो रोनाल्डो भने गोल गर्न असफल भए ।
लगातार छैटौं जित निकालेसंगै युभेन्ट्सले १८ अंक जोडेको छ । युभेन्ट्स शीर्ष स्थानमा छ । दोस्रो स्थानको नेपोलीको १५ अंक छ ।
नेपोलीले बुधबार राति पर्मालाई ३ - ० ले हरायो । यस्तो रोमाले फ्रोसीनोनमाथि ४ - ० को जित निकाल्यो ।
