ललितपुर । ललित स्मृति अन्डर १८ फुटबल प्रतियोगितामा जगदम्बा लुम्बिनी फुटबल क्लबले सनसनीपुर्ण जित निकालेको छ । सातदोबाटोस्थित एन्फा टेक्निकल सेन्टरमा भएको खेलमा लुम्बिनिले न्युरोड टिम एनआरटीलाई सिकार बनाएको हो ।
प्रतियोगितामा लगातार तेस्रो जित निकाल्दै नकआउट चरण पुग्ने एनआरटीको सपनामा लुम्बिनी बाधक बन्यो । उसले काठमाडौंको न्युरोड क्लबलाई २–१ गोल अन्तरले पराजित गर्यो ।
खेलको ११ औ मिनेटमा मोहन थापाको गोल मार्फत लुम्बिनीले अग्रता लिएको थियो । ५२ औँ मिनेटमा रन्जित पुडासैनीको गोल मार्फत एनआरटी खेलमा फर्किएको थियो । तर ६२ औ मिनेटमा सुन्दर खड्काले गोल गर्दै जगदम्बा लुम्बिनीको अघिल्लो चरण प्रवेशको सम्भावनालाई जिवितै राखे ।
लुम्बिनीले तीन अङ्क जोड्न सफल भएको थियो । एनआरटीको ६ अंक छ ।
