काठमाडौं । सात पटकको शहिद स्मारक 'ए' डिभिजन लिग च्याम्पियन मनाङ मर्स्याङ्दी क्लबले नयाँ प्रायोजक पाएको छ ।
मनाङले यसै साता सुरु हुने पल्सर सहिद स्मारक 'ए' डिभिजन लिगको लागि मुख्य प्रायोजकको रुपमा सिग्नेचरसंग प्रायोजन सम्झौता गरेको छ । 'ए' डिभिजन लिग शनिबारबाट सुरु हुँदैछ ।
मनाङले सिग्नेचरसंगको प्रयोजन सम्झौता रकम भने खूलाएको छैन । मनाङका महासचिब मुखिया लामाले सिग्नेचरसंगको सम्झौतामै रकम नखुलाएको शर्त रहेको खेलपाटीलाई जानकारी गराए । सम्झौतासंगै मनाङले लिगमा सिग्नेचर लोगो अंकित जर्सी लगाउनेछ ।
यसअघि मनाङको मुख्य प्रायोजकमा हुन्डाई रहदै आएको थियो ।
यस्तै महासचिब लामाले सिग्नेचरसंग क्लबले लामो समयको लागी सम्झौता गरेको समेत जानकारी गराए ।
