एजेन्सी । रियल मड्रिडका फरवार्ड इस्कोकोे एपेन्डिक्सको शल्यक्रिया गरिएको छ । क्लबले बिज्ञप्ती जारी गर्दै इस्कोको सफल सल्यक्रिया भएको जनाएको छ ।
स्पेनका अन्तराष्ट्रिय खेलाडी ईस्कोले गत साता भएको च्याम्पियन्स लिगमा ईटालियन क्लब रोमाविरुद्ध पहिलो गोल गरेका थिए । सो खेल रियलले ३–० ले जितेको थियो ।
२६ बर्षका खेलाडी ईस्कोले यस सिजन रियलकालागि ६ खेल खेलेका छन् । उनी आगामी खेलमा उपलब्ध नहुने क्लबले जनाएको छ । आगामी बुधबार सेभिल्लाविरुद्ध समेत उनले खेल्ने छैनन् ।
उनी पुर्ण रुपमा निको हुन लाग्ने समय क्लबले खुलाएको छैन ।
