काठमाडौं । एएफसी यू-१६ महिला च्याम्पियनसिप छनोट समूह 'ई' अन्तर्गत नेपालले अन्तिम खेलमा अहिले मलेसियासंग प्रतिस्पर्धा गरिरहेको छ ।
अघिल्ला दुई खेलमा पराजित हुँदै छनोटबाट बाहिरिसकेको नेपालले एपीएफ मैदानमा मलेसियासंग खेलिरहेको हो ।
मलेसियाविरुद्ध नेपाल पहिलो जितको खोजीमा रहेको छ । पहिलो खेलमा नेपाल फिलिपिन्ससंग ४ - ० ले पराजित भएको थियो । यस्तै दोस्रो खेलमा नेपाल म्यानमारसंग ११ - १ ले पराजित भएको थियो ।
मलेसियाविरुद्ध भने नेपाल सान्त्वना जित निकाल्ने लक्ष्यमा हुनेछ । यत, मलेसिया पनि पहिलो जितकै खोजीमा हुनेछ । मलेसिया पहिलो खेलमा म्यानमार र दोस्रो खेलमा फिलिपिन्ससंग पराजित भएको थियो ।
नेपाल र मलेसिया अंकबिहिन रहेका छन् ।
-1734966939.jpeg)
