एजेन्सी । पराजयको श्रृङ्खलालाई पुर्णविराम लगाउने क्रममा टोटेनहमले प्रिमियर लिग फुटबलमा ब्राइटन एण्ड होभ आल्बियनलार्इ २ - १ ले पराजित गरेको छ ।
लगातार तीन खेलको पराजयपछि जित आत्मसाथ गरेका प्रशिक्षक माउरिसियो पोचिटिनोले क्लबलाई फेरी जितको महशुश गर्न आवश्यक रहेको बताएका छन् ।
ह्यारी केनले गोलको खडेरी तोड्दै ४२ औ मिनेटमा पेनाल्टीमा गोल गरेका थिए । ७८ औ मिनेटमा ईरिक लामेलाले अग्रता दोब्बर पारका थिए । अघिल्लो साता च्याम्पियन्स लिगमा टोटेनहम ईन्टर मिलानसंग पराजित भएको थियो । दोस्रो हाफको अन्तिम समयमा एन्थोनी नकअर्थले ब्राइटनका लागि एक गोल फर्काएका थिए ।
'जित निकै महत्वपुर्ण थियो ।' पोचिटिनोले भने, 'यहाँ खेल्न निकै गारो छ । ब्राइटन निकै आक्रमक खेल खेल्छ । जसले निकै मेहनत गर्छ । तर हामीले पनि निकै मेहनत गर्यौ । राम्रो खेल्यौ ।'
टाेटेनहम ६ खेलबाट १२ अक जाेड्दै तालिकाकाे पाँचाै स्थानमा उक्लिएकाे छ । ब्राइटन ५ अक सहित १३ अाै स्थानमा छ ।
