एजेन्सी । इन्ग्लिश प्रिमियर लिग फुटबलमा म्यानचेस्टर युनाइटेड बराबरीमा रोकिएको छ । शनिबार भएको खेलमा युनाइटेड वुल्भ्ससंग १ - १ गोलको बराबरीमा रोकिएको हो ।
घरेलु मैदानमा सुरुवाती अग्रता जोगाउन नसक्दा युनाइटेड अंक बाड्न बाध्य भएको हो । खेलको १८ औं मिनेटमा फ्रेडले गोल गर्दै युनाइटेडलाई सुरुवाती अग्रता दिलाएका थिए । यसै सिजन क्लब आएका फ्रेडको यो युनाइटेडको लागि पहिलो गोल हो ।
फ्रेडको गोलमा पहिलो हाफमा १ - ० को अग्रता बनाएपनि युनाइटेडले दोस्रो हाफमा अग्रता जोगाउन सकेन । खेलको ५३ औं मिनेटमा वुल्भ्सका जोओ मौटिंहोले गोल गर्दै खेल १ - १ को बराबरीमा ल्याए । त्यसपछि दुवै टोलीले थप गोल गर्न सकेनन् र खेल १ - १ को बराबरीमा सकियो ।
यो बराबरीसंगै युनाइटेडले ६ खेलबाट १० अंक जोडेको छ । युनाइटेड लिगको पाँचौ स्थानमा छ । ९ अंक जोडेको वुल्भ्स दशौं स्थानमा छ ।
-1734966939.jpeg)
