एजेन्सी । इन्ग्लिश प्रिमियर लिग फुटबलमा लिभरपुलले लगातार छैटौं जित हासिल गरेको छ । शनिबार भएको खेलमा साउथह्याम्पटनलाई ३ - ० ले हराएर लिभरपुलले शतप्रतिशत जितलाई कायम राखेको हो ।
घरेलु मैदानमा लिभरपुललाई जित दिलाउन जोएल माटीप र मोहमद सलाहले एक एक गोल गरे । लिभरपुलले एक आत्मघाती गोलको उपहार पाएको थियो । साउथह्याम्पटनका वेस्ली होएड्ले आत्मघाती गोल गरे ।
एनफिल्डमा लिभरपुलले वेस्लीको आत्मघाती गोलबाट दशौं मिनेटमा सुरुवाती अग्रता बनाएको थियो । खेलको २१ औं मिनेटमा माटीपले गोल गर्दै लिभरपुलको अग्रता दोब्बर बनाए । त्यसपछि खेलको ४५ औं मिनेटमा सलाहले गोल गर्दै लिभरपुललाई ३ - ० को सहज जित दिलाए ।
जितसंगै लिभरपुल ६ खेलबाट १८ अंक जोडेर शीर्ष स्थानमा उक्लिएको छ । लिभरपुलले म्यानचेस्टर सिटीलाई पछि पार्दै शीर्ष स्थानमा उक्लिएको हो । पराजित साउथह्याम्पटन ५ अंक जोडेर लिगको १४ औं स्थानमा छ ।
यस्तै जितपछि लिभरपुलले पहिलोपटक एकै सिजन लगातार ७ खेलमा जित निकाल्न सफल भयो ।
प्रिमियर लिग अन्तर्गत नै शनिार लेष्टर सिटीले हडर्सफिल्डलाई ३ - १ ले हराएको छ । यस्तै फुलहम र वाट्फोर्डले १ - १ गोलको बराबरी खेल्दा क्रिष्टल प्यालेस र न्युकासल युनाइटेडले गोलरहित बराबरी खेलेका छन् ।
