काठमाडौं । अखिल नेपाल फुटबल संघ एन्फाले यु–१५ राष्ट्रिय टिम छनोट प्रक्रिया अघि बढाएको छ । कात्तिक ८ गते काठमाडौंमा हुने साफ यु–१५ च्याम्पियनसिपकालागि एन्फाले खेलाडी छनोट प्रक्रिया अघि बढाएको हो ।
एन्फाले टिम तयारीकालागि जिल्लामा रहेको उत्कृष्ट खेलाडीलाई असोज १२ गतेभित्र एन्फा कम्प्लेक्स सातदोबाटो पठाईदिन सम्पुर्ण जिल्ला फुटबल संघलाई आग्रह गरेको छ ।
एन्फाले प्रत्येक जिल्लाबाट बढीमा ५ जना उत्कृष्ट खेलाडी केन्द्रमा पठाउन आग्रह गर्दै जिल्ला संघलाई पत्राचार गरेको छ । एन्फाका अनुसार सन् २००३ जनवरी १ पछि जन्मेका खेलाडीले छनोटमा भाग लिन पाउनेछन् ।
