एजेन्सी । फ्रेन्च लिग वान फुटबलमा मोनाको बराबरीमा रोकिएको छ । शुक्रबार राति भएको खेलमा मोनाको निम्ससंग १ - १ गोलको बराबरीमा रोकिएको हो ।
घरेलु मैदानमा मोनाकोले एक गोलको स्थिति उल्टाएर बराबरी खेलेको हो । पहिलो हाफको १९ औं मिनेटमा एन्थोनी ब्रियनकोनले गोल गर्दै निम्सलाई सुरुवाती अग्रता दिलाएका थिए ।
तर, मोनाकोलाई राडमेल फल्काओले गोल गर्दै हारबाट जोगाएका थिए । उनले खेलको २७ औं मिनेटमा गोल गरेका थिए ।
दोस्रो हाफमा दुवै टोलीले गोल गर्न सकेनन् र खेल १-१ को बराबरीमा सकिएको थियो ।
बराबरीसंगै मोनाकोले ६ खेलबाट ३ अंक जोडेको छ । यो सिजन मोनाकोको यो तेस्रो बराबरी हो ।मोनाको १२ औं स्थानमा रहेको छ । सातौं स्थानमा रहेको निम्सको ८ अंक छ ।
फ्रेन्च लिगमा शीर्ष स्थानको पेरिस सेन्ट जर्मेन (पिएसजी) को १५ अंक छ ।
